18 四月 自由行揀埃及？祝君好運！（下）
Posted at 00:12h
in 私遊記
[以下內容會涉及粗口以表達對彼國旅遊業者之讚嘆，自命斯文可直接跳過]
前文提過，在埃及自由行，要認真對待現金交易的每個環節。最經典的實戰案例是，有次在樂蜀想截的士返酒店，有一輛馬車欄途截生意，我已經表示無興趣、並想忽視馬伕的交流之際，兩位經驗尚淺的同伴們則興致勃勃、目光移不開馬車，叫都叫唔住。咁好啦，三人行，得我一個反對是無用的，畢竟我認同團隊行同需過半數同意，於是三人得共識，倘與的士收費一樣，就上馬車。
由於去程時的士收USD 2，於是我跟馬伕說好都是USD 2；然而在彼邦之內絕不能掉以輕心，上車後我像老母一樣長氣，慎重跟同伴說這一程「劏硬」，一旦馬夫反價，著他們二人先行攬住行李跳車快步走回酒店，我留低講數。
結果呢？一如意料馬伕是會耍無賴的，車未到酒店便停下，不過接下來對白相當有創意：「2 dollar, 1 person, you you you, 6 dollar, my horse 2 dollar, me 2 dollar, total 10 dollar :)」
兩個同伴馬上跳車，我馬上怒DIU馬伕：「No! You said 2 dollar! I won’t pay more!」不過手上得USD 5，埃及散紙所剩無幾，我頓時覺得霸氣盡失，此話何解？因為馬伕笑笑口一如我預料地說：「no change! 
」DLLM，我看準了他手中的5元美鈔一手搶過，然後自己跳車走咗，嚇到馬伕自己追返過來。
然而，對方無賴野蠻，我卻做不出「以蠻對蠻」，最終我付了相應、稍多的埃及幣再DIU佢走。我唔想搞大佢，你走啦。
撰文：Charliedoy
