03 四月 家陣去露營，可以好簡單

復活節過左幾日，去了Funshop Outdoor舉行的露營，試一試他們從日本代理露營品牌DOD，發現日本產品真係很細心，又很易用。香港人抽兩日去到營露，與朋友聚下可以很簡單，你不再需張擔心器材太多又難用。如果你仍然以為開營收營會是很複雜的事，本文是你必讀。

呢個營好易用，一打開就係咁樣，下一步好易攪。

要開一個營，回想起以前童軍仔時代，要一枝一枝棍穿完再扣，現在所關節，都是快拆，要起一個營，最快摩打手，只需要幾分鐘。因為…….

用上了集成的關節，只要放好一個營，一拉繩後，四邊的扣都會同時鎖實。好似家中餐桌上的防蚊網一樣原理。

然後到外層，對正門口方向，再放上去。冇咩技巧，搵到拉鏈就搵到門口。

外層的角位，每邊都有扣，仲可以拉長織短周邊，方便你在不平的地方，將外層平均拉緊。

今次仲試用了大營，如果你唔太肥，訓4個大人，4個小朋友都可以。

冇吹水，真係好大，朋友個營仲有氣床，點解會拎到咁多野？因為有車，去左一個最易去的營地，停車就落貨，好快就完成了。

入黑之後，只要你安裝左圓形燈，就唔怕睇唔到野，再外掛一支架，可以夾到風扇，真係好好用。

撰文:Wilson